Susa-ko liburuak

ZOZOA

Eskola orduetan, gelan bertan ahapetik edo inguruko eremuan, atsedenaldietan, lagunen zelatan ibili behar du eraztundunak. Edo lakioak paratzen, hona zer egin dioten Patxi dohakabeari:

Neuk euskeraz egitearren hak egin eustan egitekoa! Un nido tengo! erderaz esan eustan, un nido más hermoso...! De qué? itaundu neutsan nik, eta berak De esos pájaros negros... Cómo es pues?... Cómo es pues? Eta nik, kirten honek, «zozoak» esan neutsan kokolo bat eginik. Eta berak orduan Tómate anillo esan, eta anilloa emon eustan.

Umeendako antzerkitxo bateko pasartea da. Ez dakar sinadurarik, baina Resurreccion Azkuerena izan liteke, ageri den aldizkariaren sortzaile, zuzendari eta idazle nagusia izan zenez.

«Sasi-eskola. Atal bateko eresi-erausi umeentzakoa». Euskaltzale, 1898-07-07