1990eko urriak 11
Txikia sentitu nintzen halako batean, txikia sentitu nuen neure burua handitasuna eskatzen zuen gizartean. Eta trena hartu eta ihes egin nuen handik, ihes egin nuen mundura horretaraxe etorri izan banintz bezala, ihes egitera hain zuzen ere, trena hartzera. Urrutira eramango ninduen trena hartu nuen, txikia sentitu nintzelako mundu handi honetan. Baina inoiz ezin izan nintzen behar bezain urrutira iritsi. Eta trenak maitatzen ikasi nuen etsi-etsian, gozo-gozo.
© Juan Luis Zabala