2003ko azaroak 26
EZER HAUTSI GABE
Zaila da ezer hautsi gabe
entzuna izatea.
Zaila da ezer hautsi gabe
nork bere burua ondo adieraztea.
Zaila da ezer hautsi gabe
ezer izatea.
Hala ere, batzuetan,
usterik gutxienean,
ingurukoari leun heldu
eta mundua, bizitza
arrotz zaizkigun
jostun-esku trebez
irun, irun eta irun,
iraun, iraun eta iraun
egiten dugu, egiten dugu
egiten dugu, ezer hautsi gabe.
© Juan Luis Zabala