1990eko otsailak 20
Gorbata janztea ez al da klaseak daudela onartzea, egon behar dutela aldarrikatzea? Ez al da kontraesan nabarmenegia hainbeste idazlek gorbata janzteko ohitura izatea? Gorbata jantzita itzultzen al da hiri handian sona eta gorazarrea lortu duen idazle ospetsua bere jaioterri txikiko etxe zahar apalera? Ez al du gorbatak itotzen orduan ere? Ez al du sentitzen idazle gorbatadunak gorbatak errealitatetik urrundu egiten duela, barregarri bihurtzen, erridikulu, hala bera nola bere lana? Ala galdera hauek al dira erridikuluak? Benetan?
© Juan Luis Zabala