1997ko otsailak 15
Maite ditut itsu eta herren izateko gogoa izaten dudan une horiek, neure burua zaborrontzi handi batean murgiltzen filma nazaten nahi izaten dudan une horiek, urdailean tiroa noiz emango didaten irrikan izaten naizen une horiek, makurtu, besoak sabel aurrean tolestu eta lurrera atseden eta atsegin mugagabez erortzeko, amaren sabel barruko izakiaren epeltasun amniotiko apalaren bila. Bete-beteko uneak, gizateria osoari eta unibertsoari mugarik eta urrikirik gabe emanak barnebiltze intimoan. Otoitz egitea erabateko suntsitze eta ezerezte kosmikoa da, eta nork bere ikuspegi estetiko eta plastiko berezia ematen dio.
© Juan Luis Zabala