1985eko abuztuak 8
GOZOTASUNA
Bilera tirabiratsua izaten ari da, beroa, istilutsua. Arazo gaitz bat konpontzerakoan erabiltzen diren tonuak: oihuak, errietak. Dena baretu denean, solas lasaian lotu gara O. eta biok atariko aulki batean eserita.
Alde ederreko lasaitasuna diagu hemen orain komentatu diot O.ri.
Bai, baina ni txiskeroarekin inurriak erretzen ari nauk.
Tira erantzun diot, hori ere ekintza gozoa duk.
Bare-bare kiskaltzen dira inurriak.
© Juan Luis Zabala