Susa-ko liburuak

LXXIX

Mila zortzi eun ogei pasatu ¹

(Nafarroakoa)

Mila zortzi eun ogei pasatu,

Amalaugerrenian Frantzian sartu,

Frantses guardia batez naiz agradatu²,

Niauren niaurendako baitut aitatu.

Frantziala jina niz bizi modelan,

Ezkuntza egiterik enuien gogoan,

Bertzek esan eta ezarri buruan,

Ni enaiz ibili inoren³ onduan.

Aal bezain fite banarabila,

Ezkontza egiteko paperen bila,

Frantses borratxo orrek beti geroko,

Presatuia dela zerbitxurako.

Pagatuiak⁴ dira ilabeteka,

Direnak baluzte meta-metaka,

Maite ukan dudala eztirot uka,

Frantses guardarentzat Espainar moja.

Adios, adios, adios, orai, mon ami,

Etxerat banoazu ongi tristeki,

Ongi nintzateke ezpanintz eri,

Irur-irureko bederaxuti⁵.

[1] ODS / AB, f. 69. f. 164 gainmarratua. Bertsomoldea: A 13 A 13 A 13 A 13.

[2] Aldaera: agratu.

[3] Aldaera: nihuren.

[4] Aldaera: pakatuiak.

[5] Bederatzi.