LVIII
Lehen floria 1
(Zuberoakoa)
Eijerra zira maitia,
Erraiten deizüt egia;
Nurk eraman othe deizü2, zure lehen floria?
Eztizü egin izotzik,
Ez eta ere kharruinik3,
Ene lehen floriari khalte egin dianik.
Landan eder iratze,
Behia ederrak aretxe4:
Zü bezalako pollitetarik desir nüke bi seme.
Horren maite banaizü
Obrak erakats itzazü;
Elizala eraman eta han espusa nezazü.
Aphezak dira Espainan,
Bereterrak Erruman;
Hurak hanti jin artino gitian txosta khanberan.
Aita dizüt hil berri,
Amak eztizü urth'erdi;
Zurekilan libertitzeko dolüa dizüt barnegi.
Oihaneko otsua5,
Dolü dereiat gaxua;
Antxiekin lo'gin eta, zeren barurik beihua.
Enün ez ni otsua,
Gutiago gaxua;
Antxiekin lo'ginik ere, kuntent gabez beinua.
Bortü goretan lanhape,
Hur bazterretan ahate;
Zü bezalako faltsietarik eztizüt nahi deüsere6.
[1] ODS / AB, ff 37-38. Aldaera f. 17, 25. Ariel, 1845eko martxoak 9. Michel, 290-292. LBNZ, T.I, 409. Bertsomoldea: a 8 a 8 A 16 .
[2] Aldaera f. 37: Erraten dereizut egia / Nurk eraman othe deizun / Tra lalala, lala, la, la... / Zure lehen floria.
[3] Aldaera f. 37: ...kharrugnik. / Ene lehen floriari / Tra lala, la... / Damu ehin dienik.
[4] Txahal, biga. Aldaera f. 37: Behi ederretan aretxe / Zu bezalako pollitetarik / Tralala... / Desir nikezu bi seme.
[5] Aldaera f. 38: Dolu dereiat otsoa / Bihotz erditik gaxua / Anxiekin lo egin eta / Tralala.../ Zeren barurik beihua.
[6] Aldaera f. 38: Borthu goretan lanhape / Hur unduetan ahate / Zu bezalako faltsietarik / Tralala... / eztizut nahi deusere.