Susa-ko liburuak

LXXI

Khantoren egiteko sujeta berririk ¹

(Zuberoakoa)

Khantoren egiteko sujeta berririk,

Santa Katalinaren mezperan huntürik,

Maite bat maithatü, bihotzian sarthü,

Isterbegiek deitade gibeltü,

Liliflore eijerra, kontsola nezazü,

Zurekin bizitzeko deseinetan nüzü.

— Igorri ditadazü ene aitak goraintzi,

Zer ari nabilan haietarik ihesi,

Egin badüt faltarik, haiek nahigaberik,

Ützul nadin etxerat eman gabe phenarik²,

Früta bat jiten bada denbora bateki,

Haziren deitadala mila plazereki.

— Igorri diriozüt ber bidiaz goraintzi,

Igaran düdala aski denbora haieki,

Egin badüt faltarik, haiek nahigaberik,

Eztüdala dolürik amoriuaz baizik,

Frütia jiten bada denbora bateki,

Hazi nahi düdala egin düdanareki.

[1] ODS / AB, f. 53. Aldaera: f. 26, gainmarraturik. Bertsomoldea: A 13 A 13 A 13 A 13 A 13 A 13.

[2] Aldaera f. 26: xangrinik.