Susa-ko liburuak

LXXII

Khantu berriren khantatzera nuazü ¹

(Zuberoakoa)

Khantu berriren khantatzera nuazü,

Sujeta zer den nahi dut esplikatü.

Maite bat maithatü,

Bihotzian sarthü,

Hark benai xarmatü,

Amak nai othoitu eta obligatü,

Deklaratzera nuazü.

— Oi ene maitia, bizi niz phenareki,

Hanitx min dudala sofritzen bihotzeti²,

Ezkuntzekoz zureki,

Aitareki gaizki³,

Behar nüke jarri,

Nik eztakit zer egin ez eta zer phentsa⁴,

Ene aitarekila⁵.

— Oi ene maitia, nun düzü ezpiritia,

Aita düzia, fediaren jabia,

Edukazü fedia,

Libra kuntzentzia,

Maitha berthutia,

Eztüzü lüzia mündüko bizia,

Etzitiala khanbia.

— Ezta arrosarik elhorri gabetarik,

Ez amoriorik phenarik gabetarik,

Etxen ezteitade,

Pausürik batere,

Zeren zutudan zu maite,

Etxekuen kuntra nur juan daite

Gu espusa baginte.

— Ekhia denin zuinen eder itzala!

Maitia, mintzo zira plazer düzün bezala,

Egiten düzüla

Mila disimula,

Ignorent zirela,

Erraiten düzüla bestetarik düdala,

Faltsüki mintzo zira.

Hirur urthe zitzaitzat unduan ebili⁶,

Zinularik gorati etzunila beste maiterik⁷,

Hitz hortan fidaturik,

Nago trunpaturik,

Gaxua tristerik,

Eztit egiten lorik, jan ez edan hunik.

Maitia zure gatik.

[1] ODS / AB, f. 68. Aldaera ff. 219-218. Bertsomoldea: A 12 A 12 a 6 a 6 a 6 A 12 a 6.

[2] Aldaera: Sofritzen dudala ainitz bihotzeko min.

[3] Aldaera: Etsai ait'ameki.

[4] Aldaera: ... zer egin ez eta nola jin.

[5] Aldaera: Nik nire jentekin.

[6] Aldaera: Zazpi urthez bethi jarraiki zaut ondotik.

[7] Aldaera: Erraiten zautala nik hainbertze maiterik.