Susa-ko liburuak

Harispe jenerala ¹

(Nafarroakoa)

Harispe jenerala², heuskaldun garbia,

Europan egin duzu ainitz balentia.

Azkenik bizpahiru Zaragoza hortan,

Jinkuaz hautatia zira mundo huntan.

Zaragozako hiria, urguiluz bethia,

Ez hian ezagutzen, orano Frantzia,

Orai irrikatzen duk esklabo sartzia,

[...]

Kolpatia zirela munduiak badaki,

Jinkoak nahi eta halere oneski³,

Hiltzeko damu zira, behar duzu bizi,

Ehun urtez orano zure Madameki⁴.

[1] ODS / AB, f. 92. Michel, 422. Bertsomoldea: A13A13B13B13.

[2] Jean-Isidore Harispe (Baigorri, 1768 - Lakarri, 1855), militarra, Rosellon, Italia eta Alemaniako kanpainetan ibili zen Euskal Ehiztariak batailoiarekin, Napoleonen zerbitzuan. Espainiako independentziaren gerlan ere parte hartu zuen. Diputatu izan zen 1831-34an eta Napoleon III.ak mariskal izendatu zuen 1852an.

[3] Aldaera: arinki.

[4] Marguerite de Caupenne d'Etxauz, Baigorriko konteen primarekin ezkonduta zegoen.