Gizon zuriarengan nehola ere fidatzerik
ez dela erraiten zien apatxeburu akituak
hil bezpera eurizu hartan
neke-neketan hazi zituen
bere zazpi haur bilduer.
zazpi haur horietarik gehiena,
exterminazio garaia bertan delarik,
amaren erranez
oroitzen da:
gizon zuriaren ele, irri, ekintza-xede
eta keinu bakoitzak
suntsipena iragartzen eta arrunt obratzen du.
baina bidaia ez da oraino burutu.
© Itxaro Borda