Garapen iragarriaren sareetan

lekurik ez dugunok

hargatik,

oinez

jarraituko dugu,

        desertu idorretan

zango-zola lardaskatuak

orbaindu arte.

zure eskua, zure soa,

zure ezpainen plegu minbera

gidari xume bekizkit,

pentsamendu doieko

        argizpi kuttun,

are urrunago eraman dezagun

garapen iragarriaren sareetarik

kanpo daramagun

ibilbide

itxuratzailea.

        desertu idorretako

errautsek

betazalak, biloak, soinak

lurrez

estaliko dizkigutelarik

        salbatunean,

        noizbait

        ez ote gara

elkar ezagutuko?

 

 

 

© Itxaro Borda

 

www.susa-literatura.eus