Gauaren oihal ahula urratuz, amodioa uhulatzen zieten hontzek kahakei, amodio, bular, ezpain, sabel, hasperen, intziri, sexu epel desira latza orohar, eta uhuluen arteko hutsunea
zertarako bakarrik egon?
galdearen golde nabarrak udalatzen zuen. Haizeak zuhaitzen abar eiharrak purruskatzen zituen eta amodioa argizeituaren aho-izkinan zegoen beha.
Arratsaren aztaparretarik
zure ondoan nahi nuke
murmuzikatzen nuen. Ahizpari so egin nion, izua irakurriz aurpegian. Lurralde hauetako haurrak ipuinez gose ginauden eta hitzaren aran ozena pairatzen genuen ondikotz.
© Itxaro Borda