Laida, 1994
Lanoen kantu zorrotza
zorionez pizten duten
negu lehorren bihotza
banbaka dugu entzuten!
ur-troxaz inguraturik
bizitza ez da agortzen:
lur usainean bildurik
eguzkira zara sortzen.
gure herriko lurretan
egun nekezak hantzean,
botza dabil elurretan
hor zaudela ohantzean.
mendi-haranen arratsa
botzak beti apainduko,
sortu berriaren hatsa
eztiki baitu zainduko...
© Itxaro Borda