Lau herroketako autobideek urratu Deep North honen bihotz malgoa punpeka ari duk oraino, eta punpe bakoitzak mina eragiten dik hemengo jende ixilduen papo biluzietan. Baina abiatu nindukan, xendra lohizuen buztin urak mirail nitialarik, hire kemena, hire oldarra, hire iraun nahia bilatzeko xedearekin, salgarritasuna segurtatzearren ongi apailatu gure kulturako 'gauzetan' barna. Errepikatzen diat beti, latza dela bakardade amankomunaren zamaren eramaitea.

        Aurkituko haudan arte ibiliko nauk hargatik.

 

 

 

© Itxaro Borda

 

www.susa-literatura.eus