Behialako sukaldearen ilunbe maiteminduak haize-mutiriaren ipuinak asmatzen zizkigun, eta lurrutsen kandolak laztanduz, ganbara-itsuetan aditza ahalgeaz biluzten saiatzen ginen. Minbizi gaztigakaitzak haragi gaineko zauriak itsasertzaren neurrira irekiz, hezurrak errauts zitzazkeen.
Halatan, hitzaren jarioa mendeetako sarraskiaren odol beroaren idurikoa zen: herioak lohi-putzu idorrean harrapatu gintuen.
Zergatik egon ginen ametsari uztarturik hainbeste denboraz?
© Itxaro Borda