Bildumaren zerrendara itzuli

 

LIBURUARI BURUZKO
KRITIKAK

 

Zenbat laztan gaeliko zure musikan

bakarti abesten dizute gudariek.

Bihotzeko sekretuak irribarreen kamuflajeaz

mozorrotzen dituzu

begirada xingleetan,

lurrazal bilutsietako haizeetan zabiltza

harro, so ausartenak desafiatzen dituzten

bilo errebeldeekin.

 

Astiro, berba ezkutuak ipintzen dizkiot

egunik egun hazten dizudan ipuinari,

nola iratxo paganoak bidegurutze desolatuetan.

Bandidoen gerrillan

zure erresumarako kanpaina egin dut

arma bakar hauekin ibiltari,

mihi aske baten ttu idealista,

lau begirada, xera bi eta zuk utzitako

hamazazpigarren kantua.

 

Sekula helduko ez balitz legez

heriotza doinuetan maite zaitut.

 

 

 

© Urtzi Urrutikoetxea

 


www.susa-literatura.eus