Sasoi berrietan arantza bi iltzatu zitzaizkidan.
Batek, sumindura pizten du uneoro
Eta hor nabil
Morfinaz anestesiatzen eta gasolina txertoz
erreduren zokogune bila.
Zure labanaren punta ez dut aurkitu oraindik.
Ez du sumindurarik pizten, ez
Zure izeñoa zizelatu zuen haragi bizitan garaipen seinale
Derrotaren kontzentrazio zelaian kondenaturik
Arantza bi iltzatu zitzaizkidan sasoi berrietan
Batak negarra eta irribarrea eta indarra eta eusten irakasten du
Eta bigarrenak psikiatriaren teoria ankerrenak frogatzen ditu.
Eta ez dago egurra emango dion gasolinarik.
© Urtzi Urrutikoetxea