Kontraesanen jertseak emendatzen ditugu
«jo egik atzera».
Helmuga basamortuaren erdiko trenbidea lez da,
panoramika bistako haitzuloan amaiera difuminatua,
multiplikazio infinituak egin ditzakegu
garenaren eta beharko genukeenaren,
zelan duin mantentzearen
eta eztabaida saio aberatsenak
gin-kas pare baten liluran.
Nik ez dakit giltza daukadan edo
bidezidorra estaltzeko sasi gehiago dakartzadan
baina mihi bako mosuak politically correct eta
praktikan inkorrektoak dira.
© Urtzi Urrutikoetxea