Berunezko xafletan urtu didate maitasuna
eta orain eite perfektuagoa du
merkaturatzeko errazagoa izango omen da
kamioilarien sindikatuak ere pozik daude
parlamentuak zelofanez eta urre koloreko paperetan bildu dituzte
eta burtsen balore eskalak
orgasmo kolektiboan dabiltza
ona ei da
baina nire jakak ez du horrentzako poltsikorik
eta ttikiegia naiz
nire ttikitasunean kantitate horiek trafikatzeko
olio lohi unea agertu da Inperioaren Buletin Ofizialean
egin dezagun irri gaur ahoa libre dukegu eta
Gaur eskuz konpondu beharko dugu.
© Urtzi Urrutikoetxea