Zein da gau honen esangura
como gasto papel en recordarte
zure presentziaren zantzu ttikiena
sumatzen ez dizudanean?
non ostentzen da gero arteen konplizitatea
ipurmasail levisak eskaileretan beltz
urruntzen direnean?
eta zein da hiriaren memoria?
nora joanen gara plebeioak
gure babeslekuak bonbardatu ondoren?
Mila galderatako maitasun gorpuzgearen
entziklopediak bakarrik daude nire apalean,
zure argazkiari erreserbatu nion txokoan.
© Urtzi Urrutikoetxea