Honelako goizaldeetan
desberdin jantzi ohi zait maitasuna:
jertse grisa daroa, eta ipurdia
bereziki nabarmentzen dioten jeansak.
Zirimiria taigabea da, ernalduz
umeltzen dira berokiak,
harrotasunez beterik gogortuz titiburuak
desioa aurpegiko ttanttoetan labantzen da
eta golkoan behera
protesta kamiseta batean galtzen dira
konplizitatez sujetadore beltz bat islatzen du urak
mihi bihurri bat
ezpain euritsuetatik erauntsia sikatzeko,
irribarre hezea pikardiaren olgeta marratuz.
Batzuetan ederra da amosala gurean.
© Urtzi Urrutikoetxea