Ezar ditzagun gure doinuen sintesirako mugarriak.
Ez utzi zakurren iretargipeko uluei
Zure auzoko aduana gurutzatzen
Zabalduko dugu zilarrezko bitxien museoa
Baldin sahats blondek jertsearen idunekoa
Marra mugagabez filmatzen balute
Tiobibo nakaratuetako sarrera ordainduko nizuke
Eta eskuetan ihes doakidan harea garauen bila
Zure aurpegiko basamortuko oasiren batean errefuxiatu,
Emanen nizuke palmondo bakartiko azken datila
Hizkuntza honek ez baleuka irudimenaren zentsura
Minareteko dorrean giltzapeturik.
© Urtzi Urrutikoetxea