Faroak piztuta dabiltza autoak astiro stopera parajetu eta
bluesaren enkoadrean sartuko ditugu
ene leihoko egurrak.
Kortina zurien artetik kostako bidea
kresal usainez dator,
kale bustiak eta zure argitan zipriztintzen dira
polizi patrullak.
Portuan maniobra gaiztoak izanen dituzte
bajurako untziek,
uda honetan yate handiegiak dagoz
eta badoa azken turista itsasertzeko
karretera lokaletatik
lohitu ez dugun paisaiaren baten bila.
© Urtzi Urrutikoetxea