DENEK BATERA
Gutxira, ia gaur egin dugu sartzea,
belaunaldi hau galdu eginen da.
Bizitzen, esaten dena,
jarraituko dugu
bizirik irauteko
bizi direnen modura.
Behar gorriz josiko dugu
soinekoa, zikin-estalia,
geroko zikinez estal ditzan
egungo zikin gorriak.
Jokatu dugu
eta galdu, arriskatu
eta deus ez, bizi
eta biziuste. Erraza da,
sinetsi nahi nuke, ikasten
denboraren lezioa
eta etsipenarena.
Hauts eta odol.
Hauts eta odol.
Belaunaldi oro galtzen omen.
Hartua zor,
higatzea, ordea,
berez dator.
Berez dator,
higatzea, ordea,
hartua zor.
© Juanjo Olasagarre