MIKEL URRUTIK
ILBELTZAREN 8-AN
ISPILUAREN AURREAN
b
Pasako ehiza. Egun batean jaiki
eta ez duzu zure burua topatu,
ispiluan orein zauritua irudi
arras beste batek zaitu begiratu.
Akaso baso umelaren zokoetara...
lainoa, goroldioa, zoaz ihesean,
zakurrak xaxaka heldu dira xerkara,
zureak, akaso, ez du egingo ilunbean.
Ehiztariaren begietako errainua
zure patua. Tiro hotsa izango da
eta eztia bezalako abandonua.
Mara-mara eroriko da denbora
orain orein azulizuen hilerrian
eta mina hedatuko da konterrian.
© Juanjo Olasagarre