MIKEL URRUTIK
ANGELINES BERASATEGIRI
b
Gosari hotz baten gisa
heldu da goiza
limoiez zamatu azukrea
Desioa esaten diogu baina
ohitura da hogeita hamarren gramatikari
egokitzen zaionean
ezen zure eta nire artean
zolda bezalako egunak gelditzen baitira
harat-honat neketsu bat
non gorputzak utzi egiten baitio
bereari eta gogoa erroak botaz
azturetan hedatzen baita
Bai laztana badakit goizegi dela
eskuartean darabilgunaren inventariuma egiteko
badakit iragana
zoritxarrera ere ez dela ailegatzen
Gure tenorea maitea
azul higatu eta erratu hau
banaiz ez-naiz eskasa dira
ezen nostalgia arakatzeko ere
beharrezko baitira urte gehiago
eta batez ere bakoitzaren orbainak
besterenak bailiren onartzeko patxada
eta jakintsu (nolabait) eta zahar izateko sena
Hortaz maitea dagoela gaur hau
bere minetan eta maita dezagun elkar
tristuraz non nabigatua eginik
© Juanjo Olasagarre