ANGELINES BERASATEGIK
EUSKALDUN IZATEAZ
b
Agi denean hemen izan gara
urteak eta urteak, mendeak eta
mendeak, denbora denbora denetik.
Agi denean we are part
of a big big mistery.
Txosten bana leitu dute
Albert Smithek eta Akura Mishimak
Euskal Nazioarteko Ihardunaldiak 5. delakoan.
Gure kaskezurrak Cromagnonetik omen datoz
Neanderthaletik iragan gabean.
Gure artean RH negatibotasuna
inon baino altuagoa da.
Gure seduzitzeko jolasaren keinuak ere
desberdinak omen dira.
Jakina da, sortu dugun Hizkuntzak
ahaide ezagunik ez duela.
Nondik gatoz? Nora goaz?
Harantzago iluna eta ezagutezina.
The mistery whose we are part.
Eta hala ere horrek guztiak
ezer gutxi laguntzen du bizitzen.
© Juanjo Olasagarre