XABIER BIZIK
j
Frantses enpelukatuak izkribatu zuenean
«Pentsatzen dut, geroz, banaiz»
Jainkoa paratu zuen euskarri
eta gizakia morroi
Jainkoa da kartzela
esan zuen erromantiko germaniarrak
eta tiroz bota
eta hil zuen Jainkoa
Konszientzia da kartzela
esan zuen Vienako judutarrak
eta areagotu egin zuen
gogo eta gorputzaren arteko haustura
Sistema da kartzela
esan zuen hiesak jota hil frantsesak
eta pentsamendua psikiatriko zuria zela
erakutsi zigun
Izana da kartzela
esan zuen «Izana eta Denbora»renak
eta segunduak baino ez zizkigun utzi
eskuartean
Barkatu baina
denbora da kartzela
dio Gil Berak
Gerora zahartzea lekuz aldatzea baino ez da
© Juanjo Olasagarre