ANA YOLDI GOMEZEK
XABIER BIZIRI
b
Nik gazte guztiek bezalaxe
ez nuen traturik egin eta
egiteraz, ni, behintzat
ez nintzen konturatu ere.
Musu-truk edan nahi zituen
gaixo honek bizitzaren ardoak
eta amodioa (esate bat da).
Ama, ama
koko uste eta pupu izan!
Gero derrepentean denborak
ikerketa batzordeak eratu zituen
plazer tasak neurtzeko. Biologia bera ere
orduen ekonomia bihurtu zaigu.
Eta gaixo honek urre gorria truk
bada ere edan egin nahi ditu
bizitzaren ardoak eta amodioa;
eta ez da esate bat.
Ama, ama
koko uste eta pupu izan!
Askieza berezkoa duela
aspaldi ikasi nuen,
interes altuarena urtetik urtera
sumatuz joan natzaio;
iruzurrarena, ordea,
hau ziria!
Amatxito, amatxito
koko uste eta pupu izan!
© Juanjo Olasagarre