ALICIA GARCIAK
d
Dena akabatu da
benetako gauzak akabatu bezala:
txilio ito bat, urrats batzuk urruntzen,
harriduraren zaplasteko izotza,
gorputz baten amildura braustekoa
eta kito.
Ondoren
ofizioaren ikaste nekeza heldu da,
orduen makineria oztina asmatu,
bizitza atzera zainetan ziztatu,
arratsa gorputz monstruosoz garbitu
eta desioz.
Bai, apartetik dagi zaunka bihotzak!
© Juanjo Olasagarre