ANDRES BASTERRAK
ANA YOLDIRI
c
O'la la l'amour
udatzena joana da
agur kuttuna agur
bihotz enea
kitzika jantzi ditu bordatuak
ene bihotza
izotzezko bordatuak hotzak
Primadera eria
akabantza dantzan
urrezko egunen jolas
Laño itsasoa
eta arras gorri guretako
itsasoa laño
guretako zer gehiago nahi, ene maiteño
Arrimatu ginela
zioten endredatu
nioke nik zaila da
nor nork jakiten
bizitzaren mordoilo itsuak
jakiten nork nor
mordoiloak aise hondatzen baitu edonor
Zu karana zinen
ez zenuen neurritzat
gaurko bihotza bete
herra mikaztu
neu gazteagoa nintzen gogoz
mikaztu herra
gogoz ez nintzen gaurko vouyeur oiherra
Eguna joan eguna jin
izaren patu uherra
iltzatu ginen
elkarrengana
mitxeleta argira bezala
elkarrengana
argi minez erre guregan zetzana
Bazeneki zer axola
didaten gure minek
hagitz aspalditik nabil
ezin sosega
eta ez da ni delako herdoilaz
sosega ezinik
herdoilaz garbituko nauen amaren umerik.
Amodioa ote zen?
Hitz handiegia akaso?
Agur eta besterik gabe
dezagun oroit
ertz horituko postal urdina
oroit dezagun
eta dena ezaba dadila nola hagun
Eta aitzina maite
ez jantzi bizitza
handiegi datorkizu eta
aitzina tikili-takala
dakarkizula nahi duzuna
maite tikili-takala
erdi-gixon arrunt konbentzionala
© Juanjo Olasagarre