MADDI SUSAETAK
DEBRA WOOLF-ENDAKO
HILARTITZA
a
Egunerokotasunaren zelaiak korritu zituen
desioaren segada xaxagarriak pairatu
pozaren dosi ñimiñoegiak,
nahi eta ezinaren bakarrizketa ergela
harik eta, eginahal desesperagarrian, bere burua
bere buruan alatzen ikasi arte. Hura ezkero
bihotz gorritan populatu zuen bizitza
jakinaren gainean izanik
jainko itsu batek egin promesak
etorkizunak kimatuko ez zituela.
Heroina, sexoa, eraman zuen hiesak,
logabetzea, ardaila, antsia, amodioa
ustekabe ohikoak baino ez
desolazioaren gramatika nareko bidaiari honendako.
Gero Herio hurbildu zen
itzala neguko paisaia zurian bezala.
© Juanjo Olasagarre