XABIER BIZIK
BOLERO JAIALDIARI BURUZ
a
Gaua ohi bezala
poxpolinez jantzi zen;
gorria, berdea, zuria eta
Lehendabiziko Bolero Jaialdia
San Sebastian - Donostia.
Jendez mukuru Victoria Eugenia
hotza, bainilazko izotza eta kanela
Xabier, prefosta, Habaneraz
Lete.
Gaua ohi bezala
poxpolinez jantzi zen
iragan urrutiko progreak,
orain iraunkorreko abertzaleak,
modernoak furi-furian
munduaren eskaparatean,
jaun traxedun txuxenak,
Donostiako damatxoak,
Probintziako donostiarrak, gazteak
gure etorkizun aizuna, atsoak
beren otsoen besotik,
Endika Lakarten aita eta baserritarren bat
edo beste,
arte onekoak ez Orixe!
Uitzikoaren zerutik desterratuak denak
denek dantza dute,
den-denek maite dute
ai, oi, ai
Infernuko Machin!
© Juanjo Olasagarre