ANGELINES BERASATEGIK
MIKEL URRUTIRI
b
Erakutsi zenidan Leichteinen aforismo hura ekarriz
norbait ezagutzea infinitoranzko bidaia omen da
eta ibiliaren ibiliz hurbiltzen gatzaizkiola iduri
ez ibilkizun duguna motzagoa delakoz
baizik eta ibilitakoa gero eta
luzeagoa delakoz
Horrela maite dut zure gorputza ahal dudanean
ilunbeek igazi argi-printza bezala
barneratzen zatzaizkidanean
Horrela maite zaitut uste dut
ez biharko egunak suz eta soinuz
ekarri digukenagatik
baizik eta atzokoak euri marmarrez
utzitako errauts jadanik hotzengatik
© Juanjo Olasagarre