LUKAS OIHENARTEK
i
Hogeita hamar urtetik gora daukat
gaur larunbata da eta atera egingo naiz
aurreko larunbateko garagardoak edango ditut
garagardoek hitz berak ekarriko dituzte
hitz berberez jende berberari mintzatuko natzaio
jende berbera ustelduko da leku berberetan
leku berberetan beste egun bat alferrik galduko da
egun horrek beste bizi puska bat garraiatuko du
bizi puska horrek beste bizi puska bat
puskaz puska goragalea etorriko zait
goragalez madarikatuko dut alkohola
alkohola eta borrero itsu hau
Gaur ere ez da batere arrastorik zeruan
eta zauri berberetan esnatuko naiz bihar
Bere bostean iraungo du denak
koxka bat estuago ordea
Trokelatu dit denboraren makineriak oinazea
© Juanjo Olasagarre