XABIER BIZIK
ILBELTZAREN 9-AN
GOIZTEGI ALDERA
b
Egin dute eztanda hiru esnagailuek
goiztegia, gorputza, oinazea, mundua
eta atzeko muinoetara dagi ihes loak
Goiztegia nagiak ateratzen ari da
gauetik jalgitako espia bailitzen
eta argia laztan zait otzan
Gorputza, sasildu soldadu hitsa
kera-kera datza denbora gabean
eta hemen da oinazea trostan
Mantso bergizarteratu da oinazea
ez da aztura bezalako ukendurik
eta gorputza jadanik ni
Kafea mahai gainean, zigarroak
bizitza sartzen ari da indarrean
eta mundua egunkarietan zain
Hara! Oro heldu da bat azkenean
Egunkariak hartu zabaldu
eta...
ahoa bete hilotz.
© Juanjo Olasagarre