LUKAS OIHENARTEK
i
Joan deneko gaztaroaz geroztik
normalkuntza da gauzarik aipagarriena.
Zurbilkera erromantiko hura
erantzi egin genuen
bizitzeko itxurak beharrezko
ez zirelakoan.
Horrela sartu ginen bilutsik
naif usteko istorio kaskar honetan:
bizitza.
Hegan nahi genuen hegan
Peter Pan bezala.
Eta auzolanerako Canpanilla
badugu ere, bizitza
bakarlana baino ez da:
puskak izanen dira,
aztarnak, orenen ehortzea
eta azkenean, tiro bat.
Gero gure begi zabalak
ezin zabalago.
Hegan nahi genuen hegan
oi Peter madarikatua!
oi Peter pum!
© Juanjo Olasagarre