XABIER BIZIK
ASTEGUNA HERRIAN
j
Egurra txikitzen ari den hori
guda bateko hondakina dateke
hiru xahar eleka ari dira agure etxean
argi epela dario karrikari
almientearen bandoa: bihar auzolan
Pol-pol ixurtzen da odolaren mintzoa
bizitzaren anfora bete arte
mar-mar ari dira Jubilatu etxean
eta hara doaz umeak algaran
galdutako baloiaren bila
Eguna etzan da karrikan
Jitoan doaz hodeiak zeru zabalean
amets dagi bideak makal artean
egonean ari du denbora
artzain tantaia bailitzen
Gazte suharrenek ere
asteburuetara
desterratu dute bizi beharra
© Juanjo Olasagarre