GRAZIANA GOMEZEK
HILOBITIK
g
Nik, Graziana Gomez, egin nuen nirea
gure gizon hura, infernuan bego,
kontentatu, lan egin asto-aberea
bezala, hark marinel ospa egin eta gero
(koinata ere lehenago joan zen ihesi)
seme-alabak hazi eta hezi inor gabe
bizitzari kara eman, ez da, ez gutxi:
poz batendako makina bat atsekabe.
Ohitura denez ongi esan beharko baina
nireek banaizenik ere ahaztu dute.
Zein krudela den denboraren izaina!
Zein krudela Jainkoaren zerua bera!,
mendeku gabeko erresuma abrea.
Hemen natza eta lurra ez da bihozbera.
© Juanjo Olasagarre