ANDRES BASTERRAK
ANA YOLDI GOMEZI
c - g
Amodioaz ez dut hitz eginen
baina gustuko zaitut. Oso.
Oinaztura bezalako hotzikara
igotzen zait zangoetan gora.
Titiak handi, sostena fuera,
zil pareko maldan behera,
alua dardarrean, heze, umel
usain gatzatuak darizkiola.
Etzanik hankak zabalik
erdibi zaitzan begiratzen didazu
begiak plazerrez zirrikiturik,
ahoa hatsak-hatsari emanik
berehala sar dadila eskatuz.
Galduak dituzu, galduak
emakume etxekoandre progre
plantak. Ezerk ez dizu
gain hartzen eta orro dagizu
jauzi, bol-bol, inarrosi.
Ni lehertzear. Hatsankak
eta horra nola itotzen zaren
plazerrez egarri pottottatik gora
harik eta zintzurrean
txilio bat hiltzen zaizun arte.
Neroni esku arteko likido
lika baino ez naiz, alfonbran etzanik.
Egia da zure aita eta izeba
larrutan ikusi nituela txikitan,
ez dakit, beraz, nondik atera duzun
besterekin larrua joarazten dizudalakoz
gustuko ez zaitudala.
Vouyerra naiz, sinplementean.
© Juanjo Olasagarre