JOXEMIEL ERREPARATZEK
ENDIKA LAKARTEN
ASKATASUNARI BURUZ
f
Halaxe etorriko zaio, hamar urte ondoren
askatasun eguna.
Jarriko da zeruari begira eta pentsatu:
«Herrian nago, hemen ditut sustraiak,
harantzago zubia, hemendik aurrera
dena izanen da bestela herri maite honetan.
»Dena ahaztuko dut, senda ditzan denborak
gartzela eta bakardadearen zauri gaiztotuak,
ezti daitezen gorputz eta gogo urkilduak
aspaldiko amodio eta lagunen ukenduaz,
berdin dadila espazio zabalaz nire mina.
»Hemen zubia dago, harantzago uhaldea,
karrikan ezta arimarik ere». Eta lauhazka
ekarri dio gauak aiztolako egia: bakarrik dago
espazio zabalagoan oraingoan.
Halaxe etorriko zaio, hamar urte ondoren
askatasun eguna.
© Juanjo Olasagarre