JOXERRA AGIRREK
EUSKAL HERRIAZ
a
Nire memoriaren hilerrian dautza
negu mineko elurte birjinak bailiren
denborak erraustutako harlauza
hautsiak eta bizi puskak jada iren.
Euskalduna dio nire jaiotze xendan
eta Don Ahituari eskaini baseliza
erori bat ikus daiteke nonbait. Zorretan
nago paisaiarekin batez ere. Oteiza
eta bere Hutsa irrikatu nituela
egia, eta lagunak eta hizkuntza hau
(bost zaharren) eta Laboaren akuarela.
Gero apaizgo kerutsua izan nuen garau
Axular axuta eta Bartolome ozpina
eta bizipoz, modderno koadrila, jakina.
© Juanjo Olasagarre