XABIER BIZIK
ANGELINES BERASATEGIRI
ETA ANA YOLDIRI
b - c
Filosofo izan nahi nuen.
Arront murgildu nintzen
Heraklito ilunaren uhaldean
beti bera eta beti beste.
Boladak egin nituen, txandaka,
estoikoen baratza xumean eta
epikureoen jauregi dotorean. Neurriaz
ikasi nuen eta Ni delako honetaz.
Platonek liluratu egin ninduen,
haitzuloarenak batez ere. Aristoteles
bildumagile bat iruditu zitzaidan,
Leibniz, Spinoza, Descartes
eta bere buruaz Arrazoi harro hori.
Kantekin giltzapetu nintzen
Hegel bera gorrotatzeraino
harik eta Gezurra eta Egiaren artean bereixtea
gutxi baino bakanen dohaina zela
konturatu arte.
Aitzina
bizigintza izanen da nire alorra,
bataz beste,
Bataz Bestea egitea, alegia.
© Juanjo Olasagarre