ESKLABO ERREMINTARIA
Poeta latinoen imitazioa
Erromara ekarri hinduten,
sartaldeko oihanetan gatibaturiko
esklaboa.
Erremintari ofizioa jaso
eta, aginduak obedituz,
kateak egiten dituk.
Arragoko burdin goria
nahieran molda hezake,
aitzurrak eta ezpatak egin ditzakek
kateak hausteko. Baina hik,
esklabo horrek, kateak egiten dituk,
kate gehiago.
© Joseba Sarrionandia