URTE GIROAK ENE BEGIETAN
Estropezu egin eta amildegi
ertzera erori nintzen.
Ho Chi Minh
Udaberriko euriteak jasan ezik
ezin udako eguzkiak gozatu,
udako sargorietan erre gabe
ezin udazkeneko orbela zapaldu,
udazkeneko airea urdintzen ezagutu gabe
ezin neguko elurra so egin,
neguko haize hotzak bizi ezik
ezin udaberria loratzen dela sinetsi.
Baina zer axola zaio zigor zeldetan dagoenari
urtaroen aldaketa?
© Joseba Sarrionandia