NEGUKO PAISAIA
Zer berri ekarri behar diguzue?
Zein da daramazuen sekretua?
Esadazue, hegaberak, zergatik duzue
pasatuala katearen antza?
Noiz arte iraunen du gure esperoak?
Zergatik ez zarete pausatzen?
Bada ipar aldean atsedenik?
Zeren bila zoazte hegoalderantz?
Ezagutzen duzue inon aberririk
oinazearen errekak zeharkatzen ez duenik?
Nortzuk garen gu? Gibeleko minbiziarekin
bizi garen elur-liliak gara.
© Joseba Sarrionandia