Bildumaren zerrendara itzuli Idazle beraren beste lanak

LIBURUARI BURUZKO
KRITIKAK

 


 

KOORDENADAK

 

Berriz hasi,

zauriak zenbatu,

galerak izendatu,

ez desbideratu begirada

edo are gehiago

lehen aldian bezala begiratu,

zer zaren jabeturik,

biguntasuna zer den

analizatu, aldarrikatu.

 

Trapezioak hustu,

igogailuak lurreratu,

menda oro kendu,

zuhaitz ustelduak erauzi,

bideak garbitu,

neonezko argiak itzali,

atmosfera hau deskonektatu,

amaiera ez itxaron,

oztopoak leherrarazi.

 

Bertigoaz gozatu,

orratzak desagerrarazi,

biluztasuna deskribatu,

estriknina debekatu,

desterrua urrundu,

katuak ferekatu,

begi berdeak xurgatu,

eskutik heldu,

gero ere bai.

 

 

 

© Juanra Madariaga

 


www.susa-literatura.eus