Bildumaren zerrendara itzuli Idazle beraren beste lanak

LIBURUARI BURUZKO
KRITIKAK

 


 

BILDUMAZALEEN EMOZIOAK

 

Isiltzeko dignitatea,

pergamuen itotze geldoa,

galdutako efektu mingarria,

zainetako zurrunbilo gaixoa,

lurretako maizterren ametsak,

bildumazaleen emozioak.

 

Zuk ez duzula ulertzen diozu

baina lepoa bustitzen zaizula

itsasoaz egingo duzu kontu.

Ur azpian, argirantz eramango zaituen

amuari egingo diozu haginka.

Min horrek betiko salbatuko zaitu.

 

Sentituko duzu orduan

beti egon zarela bizirik,

deformidadearen sortzaile zarela,

marka horiek ez direla kentzen,

horrek bereizten zaitu orain

bildumazaleen emozioetatik.

 

 

 

© Juanra Madariaga

 


www.susa-literatura.eus